يــــــاتري ميـــــن ضيفنا الجاي

لما يكون اون لاين هبعتله رساله خاصه وابلغه فيه

شكله خايف

كان المفروض سؤال واحد

واول ما يدخل تبدأو بباقى الاسئله

وسؤالى حبيت كام مره

تقبل مرورى

لعبه جميله اوووووووووووووووووي,,,,

سؤالي للادمن :: عرفنا بنفسك ؟؟؟؟

خلاص يا جماعه
احنا نختار عضو تاني غير ادمن
انا هحط 3 اسامي نختار منهم واحد

1- فوكس تيتو
2- الورده الوحيده
3- من اختيركم انتو

فوكس

فوكس

هههههههههه
يا حرم فوكس هيجي يتصدم
كد النتيجه 3 لفوكس وانا معاكم

فوكس

كدا اربعه لفوكس

فوكس

هههههههههههههه
ياحول الله كدا فوكس ع كرسي الاعتراف رسيماااا

يلا بقي نبدا في الاسئله وزي ما تفقنا لكل عضو 10 اسئله اكتر من كدا هنحذف المشاركه

زائر

وأنا مستعد يا شباب أستر يالى بتستر
فين الأسئلة بقى ؟

اهلا بيك الاول نورت الكرسي

ندخل بقي بقي ع الاسئله

_ ايه هي طموحاتك المستقبليه

2_ هل سبق لك الحب

3_ ما هى مواصفات شريكه حياتك

4_ شيء لم تحققه في حياتك

5 _ شيء ندمت علي فعله

6-اكتر واحد بتحبه فى المنتدى

جاوب ع دول وبعد كدا احطلك الباقي

زائر

اقتباس :

ندخل بقي بقي ع الاسئله

يا مسهل
1_ ايه هي طموحاتك المستقبليه
أنى أكون محامى و أكون ناجح في عملى وأتعرف على بنت الحلال و أتجوز و أكون أسرة سعيدة

2_ هل سبق لك الحب
أيوة مرتين و فشلوا

3_ ما هى مواصفات شريكه حياتك
مصرية ( أحتمال كبير صعيدية ) قمحية اللون شعرها أسود و عيونها الأسود الفاتح و متكونش اطول منى متدينة على خلق و متعلمة من أسرة حسنة السمعة و ياتكون قدى يا اصغر منى في السن (ب 5 سنوات بس أنا مش هاخد عيلة ) .

4_ شيء لم تحققه في حياتك
حضور جنازة المرحوم جدى لأنى كنت في القاهرة في وقتها و حزنت لعدم فعلى ذلك بس ده و أنا في أولى أعدادى يعنى من زمان بس ديه أكتر حاجة تمنيت في حياتى أنى كنت أقدر أعملها .

5 _ شيء ندمت علي فعله
1- أنى جبت في الكيمياء في الثانوية العامة مع أنى كنت بحبها 39.5 من 50 .
2- أستهتارى في ال3 سنين الي فاتوا انا بعترف أنى كنت مستهتر و غير منضبط .

6-اكتر واحد بتحبه فى المنتدى
ولله الحمد أنا بحب كل أعضاء المنتدى بلا أستثناء أو تحيز لأحد دون الأخر لأننا كلنا أسرة واحدة
ولكن الحب درجات و في الدرجة الأولى عندى (تيتو - شيمو - أدمن - نوسه - زملكوية - شيماء محمود - عازفة - الوردة الوحيدة - رافتى - أحمد الديرى - حسين صبرى - سارة ) مش عاوز أكون نسييت حد و باقى اعضاء المنتدى

اقتباس :

جاوب ع دول وبعد كدا احطلك الباقي

تم الأمر منتظر باقى الأسئلة

أولا : شكرا ليك يا فوكس جدا علي ذوقك وصراحتك

ثانيا : دي أسئلتي ليك

1- حلم تمنيته وتحقق لك فعلا

2- هل صاحبت صديق من قبل واكتشفت أنه لا يستحق صداقتك

3- لو لا قدر الله وجدت نفسك أما إختيار ما بين صديقك وحبيبك فأيهما ستختار

4- هل دخلت كلية الحقوق عن إقتناع أم بسبب المجموع والتنسيق

وشكرا ليك يا فوكس

اشكرك ع صراحتك
واستني مني 4 اسئله

ويلا يا جماعه عايزين نزهق فوكس اسله

زائر

الوردة الوحيدة كتب:

أولا : شكرا ليك يا فوكس جدا علي ذوقك وصراحتك

ثانيا : دي أسئلتي ليك

1- حلم تمنيته وتحقق لك فعلا

2- هل صاحبت صديق من قبل واكتشفت أنه لا يستحق صداقتك

3- لو لا قدر الله وجدت نفسك أما إختيار ما بين صديقك وحبيبك فأيهما ستختار

4- هل دخلت كلية الحقوق عن إقتناع أم بسبب المجموع والتنسيق

وشكرا ليك يا فوكس

الله يخليكى يا وردة و أدى أجابتى
1- أنى أنجح في ثانية كلية لأنى كنت في تحدى مع نفسى
2- كتير جدا .
3- أختار صديقى لأن لحبيب لو بيحبنى هيرجع تانى مش هيستحمل بعدى لكن الصديق الوفي هلاقيه فين ؟
4- والله أنا كنت جايب في الثانوية العامة 89.5 % و أيام لما نسقت كانت حقوق قنا لسه فاتحة و أول سنة تنزل في التنسيق
و كتبتها رغبة أولى و الحمد لله جاتنى (ملحوظة :- أنا دفعتى الأصلية في الكلية رايحين رابعة السنة ديه ) .

اقتباس :

اشكرك ع صراحتك
واستني مني 4 اسئله

ويلا يا جماعه عايزين نزهق فوكس اسئله

الله يخليكى يا زيمو يا مسهل أنا منتظر

1- ايه الموقف اللي عيط فيه فوكس من قلبه
2/ مالفـرق بين الحب والصداقة ؟ وهل يمكن ان يسلكا طريق الغيرة...؟؟

3- كيف تدارى كسوفك لو شخص احرجك ؟
4-ماذا سيكون اول اسم لى طفلك انشاء الله ؟

قلم وورقة بين يديك ماذا سوف تكتب من مداد حبره على سطور تلك الورقة ولمن؟

معلش جاوب ع دا كمان

عارفه اني رخمت عليك بالاسئله استحمنلي

زائر

zamallekawaya 4 ever كتب:

1- ايه الموقف اللي عيط فيه فوكس من قلبه
2/ مالفـرق بين الحب والصداقة ؟ وهل يمكن ان يسلكا طريق الغيرة...؟؟
3- كيف تدارى كسوفك لو شخص احرجك ؟
4-ماذا سيكون اول اسم لى طفلك انشاء الله ؟

ماشى يا ستى
1- في وفاة المرحومة خالتى لأنها كانت أكبر منى ب 4 سنين و أمى هي الى مربياها و كانت بالنسبالى نعم الصديق كانت بتذاكر معايا أيام الأعدادى و الثانوي و كنت بحبها جدا (الله يرحمها )
2- أنا مش شايف أن في فرق بين الحب و الصداقة لأني لو حبيت حد جدا هيكون هو نفسه صديقى الي ببحلوا بأسرارى
و لو صادقت شخص جدا أكيد هحبوا زى حبي لنفسى و مش هخبى عليه حاجة بس انا عندى رأي ممكن أن تتحول الصداقة الي حب و لاكن بعد الحب (إذا أنتهى بين الطرفان ) لا يمكن تحويله الي صداقة ستظل مشاعر الطرفان متعلقة بذلك الحب القديم .
3- أنا أحرجت كتير قبل كده بس كحرج أتكسف منه محصلش لأانى ديما كنت بعترف بغلطى أذا أحرجنى شخص أعلم مني في الموضوع الي كنا بنتكلم فيه و أنا غلط فيه في حاجة تؤدي الى احراجى (نصحيتى سارع بالتأسف و الأعتذار على خطأك )
أما بالنسبة لموضوع الكسوف أنا وشي مكشوف مابتكسفش

4- أسم أول طفل أتمنى أنوا يكون بنت و أسميها رضوة و لو ربنا كرم و أعطانى أول طفل ولد يبقى اسمه محمد أحب الأسماء الى الله و نفسى

منتظر باقي الأسئلة

زائر

zamallekawaya 4 ever كتب:

قلم وورقة بين يديك ماذا سوف تكتب من مداد حبره على سطور تلك الورقة ولمن؟

معلش جاوب ع دا كمان

عارفه اني رخمت عليك بالاسئله استحمنلي

لا عادي يا زيمو أصل الموضوع ده أتعمل علشان الرخامه
ماتزعليش أنا بهزر و أنتى عمرك ما كنتي رخمة

هكتب رسالة للأنسان هقول فيها
(يا بن أدم الله سبحانه و تعالى خلقك مخير فلم تختار طريق الشيطان أعمالك تحسب عليك فحسناتك لك و سيئاتك عليك فأحرص علي الحسنة ليزيد الله لك فيه و أجتنب السيئة يقلل الله لك منها وتذكر قوله ( صلى الله عليه و سلم ) " المرء على دين خليله فلينظر احدكم من يخالل " صدق رسول الله (صلي الله عليه و سلم ) فأختيارك اليوم هو من سيفيدك غدا )
و هكتب رسالة تانية (لكل حكام العالم )
"أرحموا المسجد الأقصى مما يحدث له في تلك الأيام , ارجوكم ارحموه و أنقذوه من أجل البشرية جمعاء وشكرا )
و هكتب رسالة للمنتخب المصرى ككل إدارة و جهاز فني و لاعبين
(أنتوا الي جبتوا ه لنفسكوا فتحملوا ما يجرى لكم أملنا ضعيف لكن أملنا في الله أكبر مش هقولكم غير يا رب )

و علي الله رسليلى ديه توصل و ربنا يهدي علينا الناس أجمعين

أيه هو مافيش حد غيرى ولا أيه ؟؟؟؟
ماشي في أنتظار باقي الأسئلة و شكرا

شكراااااااااا ليك يا فوكس علي الإجابات

ومعلش استحمل رخامتي انا كمان

1- من هو المثل الأعلي لفوكس ؟؟؟؟؟؟؟

2- هل ممكن تحب وترغب في الزواج بإنسانة تعرفت عليها في الشات أو أي منتدي ؟؟؟

3 - هل تعتقد ان المرأة مظلومة في المجتمع ؟؟؟ وهل أنت تحب دايما تكون سي السيد في حياتك؟؟؟

4- لو خيرت بين العمل كمحامي غير معروف في بلدك وبين العمل في أي وظيفة في الخارج قد تتحقق لك دخلا كبيرا في فترة وجيزة فأيهما ستختار ؟؟؟

5- لو عاد الزمن بيك للخلف لمدة ساعة 000 فمن ستمسح دموعه وتقول له متأسف غلطت في حقك ؟؟؟

كفاية كدة عليك فوكس 000 لأنك أكيد كرهتني

معلش يا فوكس رخمنا عليك كتير
هو الكرسي مش مريح ولا ايه
حالا زهقت منه

هانت كام يوم كدا وتقوم

عندي سؤال معلش يعني
لو انت حبيبت واحده بس من طرف واحد ولو هي جت وبادرتك نفس الشعور هتعمل ايه ؟؟
معلش انا تقلت بس انا بسالك نيابه عن كل الاعضاء
ههههههههههه

زائر

الوردة الوحيدة كتب:

شكراااااااااا ليك يا فوكس علي الإجابات

ومعلش استحمل رخامتي انا كمان

1- من هو المثل الأعلي لفوكس ؟؟؟؟؟؟؟

2- هل ممكن تحب وترغب في الزواج بإنسانة تعرفت عليها في الشات أو أي منتدي ؟؟؟

3 - هل تعتقد ان المرأة مظلومة في المجتمع ؟؟؟ وهل أنت تحب دايما تكون سي السيد في حياتك؟؟؟

4- لو خيرت بين العمل كمحامي غير معروف في بلدك وبين العمل في أي وظيفة في الخارج قد تتحقق لك دخلا كبيرا في فترة وجيزة فأيهما ستختار ؟؟؟

5- لو عاد الزمن بيك للخلف لمدة ساعة 000 فمن ستمسح دموعه وتقول له متأسف غلطت في حقك ؟؟؟

كفاية كدة عليك فوكس 000 لأنك أكيد كرهتني

1-محمد أبو تريكه
2-ممكن و مش ممكن علي حسب تفيكرها و سلوكها عامة
3-الأيام ديه مش مظلومة خالص واخدة حقها تالت و متلت و بالنسبة لحكاية سي السيد (الرجال قوامون علي النساء ) بس أنا مش بحب أكون سي السيد لا بد من الديموقراطية و المشاركة في المعيشة لكنمش معنى كده أنى أكون تابع ليها أوماشي ورا كلامها و أنتوا فاهمنى بردوا الراجل راجل و الست ست
4-أختار العمل في بلدى ده لأنى فردانى يعنى مش مرتبط بمسؤلية بيت و أسرة لكن لو في أسرة أكيد هفكر في معيشتهم و حياتهم
5-ولا واحد لأنى من ساعةكنت نايم .
عادى يا ورده أنا لا زم أستحمل كل حاجة علي الكرسى

زائر

zamallekawaya 4 ever كتب:

معلش يا فوكس رخمنا عليك كتير
هو الكرسي مش مريح ولا ايه
حالا زهقت منه

هانت كام يوم كدا وتقوم

عندي سؤال معلش يعني
لو انت حبيبت واحده بس من طرف واحد ولو هي جت وبادرتك نفس الشعور هتعمل ايه ؟؟
معلش انا تقلت بس انا بسالك نيابه عن كل الاعضاء
ههههههههههه

لا الكرسي يعجب الباشا يا زيمو علشان أنتى الي بتسألينى
والله لو كنت بحبها جدا هروح و أكلمها علي طول و لو لأقيتها بتبادلنى نفس الشعور ولقيت تجاوب بيننا أكيد هتقدم للخطوة الي بعدها و اروح أخطبها